Os obxectivos xerais do proxecto son: 1) contribuir á mellora nas infraestruturas do parque 2) facer que o sistema de loita contra incendios sexa o adecuado para garantizar a seguridade tanto da xente que visita o parque como da fauna, que se ve afectada polo factor humano cando alguén planta lume 3) facer que o coste por persoa de visita ó parque sexa menor por dispoñer de puntos de agua potable e non ter así que comprala nas tendas que nas illas 4) mellora-las condicións hixiénicas da xente que vai visitar o parque na temporada de estiaxe das fontes e puntos de agua 5) contribuir á mellora global dos servicios prestados polo parque tanto ás persoas que o visitan diariamente como á fauna que nel reside. Os obxectivos específicos do parque son: 1) Potabilización da auga das fontes nas cales non se fagan necesarios complicados sistemas de depuración 2) Ampliar as captacións, na medida do posible, co fin de que non haxa escasez de auga nos momentos chave do verán e tódolos visitantes poidan usar as fontes.

O presente proxecto dá continuidade ao proxecto “Seguimento do estado de conservación das poboacións de morcegos do PNMTIAG I. Mostraxes exploratoria para a determinación do uso do hábitat, da dinámica poboacional e da evolución da abundancia relativa” finalizado no 2011, e ten por obxectivo xeral poñer en práctica o programa de vixilancia do estado de conservación da ensamblaxe de quirópteros do PNMTIAG, establecéndose ademais vínculos coa Rede de seguimento do cambio global impulsada polo Organismo Autónomo de Parques Nacionais.

The conditions in which the Pestige oil spill (November, 2002) took place, caused a coastal pollution up to tidal levels reached only very few times per year. This circumstance made necessary to apply to the rocks, after the manual or mechanical collection procedures were no longer useful, cleaning methods with presurized water and, in difficult accessible areas, bioremediation treatments. To verify the efficiency of different bioremediation approaches, a comparative assay of several formulations was started in March 2003 on a highly affected rocky area of Sálvora island (National Park of the Atlantic Islands, Galicia, Northwest Spain). In this work the results of the more effective procedures are presented, and some general aspects of the bioremediation on rocky substrates are discussed.

Deseño e elaboración dun Programa de monitoraxe da flora e a fauna terrestre no PNMTIAG, para o que se expuxeron catro contidos básicos: - Recompilación documental de requirimentos legais e de programas de seguimento e monitorización postos en práctica en diferentes áreas xeográficas e espazos naturais. - Compilación e valoración de inventarios, catálogos e outros traballos emprendidos acerca da biodiversidade terrestre do Parque Nacional. - Elaboración e deseño dos contidos do Programa de Seguimento e monitorización de flora e fauna terrestre do Parque Nacional. - Deseño dunha ferramenta informática para o seguimento da biodiversidade por parte do persoal do Parque.

Estudo e cartografía de restos de interese patrimonial submarino que puidesen ser localizados nas zonas propostas de prospección na contorna das illas Cíes.

Traballo de estudio do patrimonio arqueolóxico da Illa de cara a ter en conta os seus resultados para o deseño de futuras obras a acometer.

Documento que mostra os resultados correspondentes ás Illas Cíes do citado título. Móstranse datos de presenza-ausencia por cuadrículas de 5 x 5 km, valoración das distintas especies en base a sete criterios, valoración da importancia de 6 factores de ameaza e citas de especies de detección esporádica. Mostraxe realizada no marco do proxecto Valoración de áreas importantes de anfibios y reptiles de España.

O presente documento presenta o diagnóstico de xestión do Parque Nacional Marítimo Terrestre das Illas Atlánticas de Galicia. Desde a redacción en 2005 do primeiro documento de diagnóstico ( Tragsatec, 2005), a realidade do Parque Nacional cambiou considerablemente, coa súa transferencia á Xunta de Galicia e a xeración dun importante volume de información tras sufrir o impacto do accidente do Prestige, o cal consumiu gran parte dos recursos dispoñibles. Esta situación facía necesario a análise e a síntese dos novos coñecementos adquiridos, así como a vinculación de todos eles á xestión do espazo natural. O documento estrutúrase ao redor de sete grandes capítulos: a) descrición e valoración do medio natural, b) descrición e valoración do medio cultural, c) usos e aproveitamentos, d) infraestruturas e instalacións existentes, e) contorna socioeconómica, f) recursos humanos, e g) xestión e conservación do medio. En base a todos eles faise unha proposta de zonificación, co único obxectivo de servir como documento de traballo sobre o cal definir a zonificación final. Desenvolveuse co dobre obxectivo de dar a coñecer que é o Parque Nacional a quen desexe ir máis aló do que as guías divulgativas existentes recollen, pero principalmente o de ser un instrumento de apoio ao xestor no deseño de programas e na toma de decisións en materia de conservación, documento no que atope unha síntese da situación actual do Parque Nacional (febreiro de 2009), e co que poida identificar as interconexións existentes entre os diferentes valores que acolle entre se e cos usos que nel desenvólvense, así como as súas complexas relacións coa contorna. Trátase dun documento de base, que convén ser desenvolto con maior detalle a diferentes escalas de traballo; e dinámico, que deberá ser adaptado a medida que se vaian xerando novos coñecementos. Presenta un longo pero apaixonante camiño de retos en materia de xestión e manexo de recursos naturais e culturais, brindándose unha gran oportunidade para conseguir un cambio progresivo de mentalidades, estruturas e formas de facer á hora de abordar a sempre complicada tarefa de conservar o patrimonio natural.

Rescate da tripulación do Santa Isabel mediante dornas tripuladas por habitantes da illa de Sálvora. Unha das dornas tripulada por Josefa Parada, Cipriana Oujo e María Fernández que terían un papel fundamental na salvación de moitas vidas.

Monitorización de avifauna reprodutora, obxecto da presente memoria: -Gaivota escura (Larus fuscus). Censo, distribución, parámetros reprodutores (tamaño de posta, volume de ovos, densidade, éxito reprodutor) e lectura de marcaxes. -Gaivotón (Larus marinus). Censo, distribución, parámetros reprodutores (tamaño de posta, volume de ovos, densidade, éxito reprodutor) e lectura de marcaxes. -Falcón peregrino (Falco peregrinus). Censo, distribución e éxito reprodutor. -Lagarteiro (Falco tinnunculus). Censo, distribución e éxito reprodutor. -Andorión (Tachymarptis melba). Estima de efectivos reprodutores e distribución. -Choia (Pyrrhocorax pyrrhocorax). Censo, distribución e éxito reprodutor. -Galla pequena (Corvus monedula).Censo, distribución e éxito reprodutor.

Neste documento preséntanse os resultados correspondentes ao ano 2014 do programa de seguimento das poboacións reprodutoras de aves mariñas no Parque Nacional Marítimo Terrestre das Illas Atlánticas de Galicia. Os datos refírense concretamente ás poboacións de Gaivota patimarela (Larus michahellis).

Neste documento preséntanse os resultados correspondentes ao ano 2013 do programa de seguimento das poboacións reprodutoras de aves mariñas no Parque Nacional Marítimo Terrestre das Illas Atlánticas de Galicia. Os datos refírense concretamente ás poboacións de Gaivota patimarela (Larus michahellis).

Realízase o seguimento e avaliación do estado de conservación das comunidades, e principais poboacións que se desenvolven na Lagoa dos Nenos. A parir da análise dos datos obtidos e da comparación cos coñecementos conqueridos no ano 2000, preténdese obter unha visión xeral da variación ou estabilidade do ecosistema, e afondar no coñecemento deste enclave de gran fraxilidade e elevado valor ecolóxico, como se derivou no estudio realizado no 2000.

Neste documento preséntanse os resultados correspondentes ao ano 2016 do programa de seguimento das poboacións de aves mariñas do Parque Nacional Marítimo Terrestre das Illas Atlánticas de Galicia. En 2016 o seguimento atinxiu a 5 das 6 especies de aves mariñas reprodutoras no Parque: o corvo mariño cristado (Phalacrocorax aristotelis), a gaivota patiamarela (Larus michahellis), a gaivota de asa escura (Larus fuscus), o Gaivotón (Larus marinus) e máis a pardela cincenta (Calonectris diomedea). O documento inclúe ademáis datos correspondentes ao ano 2015 sobre a dieta, o éxito reproductor en dunas e a mortalidade por síndrome de parálise nas poboacións de gaivota patiamarela.

Durante o ano 2018 a empresa TRAGSA levou a cabo unha campaña de control de cala (Zantedeschia aethiopica) na illa de Sálvora, baixo o encargo do PNMTIAG. Durante a campaña probáronse dous métodos de control: a corta frecuente da cala (unha vez ó mes por medio de desbroce) e o arranque dos pés cos seus rizomas. Probouse a efectividade de ambólos dous métodos en 12 parcelas con distintas densidades de cala repartidas ó longo da illa e con tratamentos asignados aleatorizadamente. Mediuse o tamaño das plantas, a súa abundancia e floracón na primavera seguinte e comparouse estatísticamente o resultados dos tratamentos.

Dispoñer dunha información actualizada en soporte dixital sobre os hábitats naturais-seminaturais constitúe un piar básico para o desenvolvemento doutros tipos de traballos de inventariación e xestión dos recursos naturais e da biodiversidade que se desenvolven no Parque, ademais de permitir trasladar parte desta informacion a actividades vinculadas co uso público. O desenvolvemento do presente traballo permitirá alcanzar os seguintes obxetivos: 1. Adecuación da cartografía ambiental do Parque Nacional 2. Cartografía actual. 3. Análise de cambio. 4. Elaboración de mapas temáticos.

En el Parque Nacional de las islas Atlánticas de Galicia, se ha confirmado la nidificación en 2005 de las cuatro especies de aves marinas ya registradas en años anteriores (Paíño europeo, Cormorán moñudo, Gaviota patiamarilla, Gaviota sombría), de una anátida (Ánade azulón) y una limícola (Chorlitejo patinegro), así como de las tres especies de rapaces y córvidos de habitos rupícolas con tendencia desfavorable en este espacio natural: Cernícalo vulgar, Chova piquirroja y Grajilla.

O presente proxecto piloto pretende, de maneira práctica e exploratoria, abordar por primeira vez distintas cuestións (analizar e avaliar a dispoñibilidade e selección de lugares de reprodución e descanso, e tentar definir unha estratexia de conservación dos mesmos, que resolva tanto as necesidades de conservación de cada especie como , de ser o caso, as dos habitantes), nun espazo natural protexido en Galicia. Estímase que o PNMTIAG, onde están citadas polo menos dúas especies de morcegos, os morcegos común/mediterráneo ( Pipistrellus pipistrellus/ mediterraneus) e de horta ( Eptesicus reotinus) (Arcea, 2006), pode ser un bo lugar para desenvolvelo, ao que se lle engade un interese extra pola súa condición de insularidade. No presente proxecto desenvólvense traballos de asistencia técnica que teñen como obxectivo iniciar o desenvolvemento das seguintes cuestións: a) Estudar a dinámica e viabilidade poboacional das especies máis significativas b) Localizar os principais refuxios para os morcegos. c) Analizar e avaliar a dispoñibilidade de refuxios para os morcegos.

No informe realizado sobre o Plan de manexo e xestión dos réptiles do Parque Nacional Marítimo Terrestre das Illas Atlánticas de Galicia (Galán, 2007) indicabamos como unha das medidas xerais para a xestión dos réptiles insulares, a realización dun plan de seguimento (punto 8 da terceira parte do mencionado informe). Mediante este seguimento poderíase valorar a continuidade das poboacións e as variacións a medio e lago prazo do estado de conservación das diferentes especies en cada unha das illas que integran o espazo natural. Este plan de seguimento consistiría en seleccionar unha serie de zonas en cada illa, representativas dos hábitats principais en cada unha delas, e realizar mostraxes intensivas. Estas mostraxes tratarían de cuantificar o número de individuos de cada especie de réptil detectada e identificar os posibles cambios que se operasen nos hábitats que ocupan. Tamén sinalabamos que o estado real de determinadas poboacións representa aínda unha incógnita debido á enorme dificultade de detectar individuos de especies xa de seu moi incospícuas (como os ofidios ou o eslizón ibérico) cando o tamaño das súas poboacións reduciuse ao mínimo. É moi difícil nese caso o comprobar se a poboación en cuestión extinguiuse ou aínda perdura un pequeno remanente. Para iso realizamos durante o ano 2008 unha serie de mostraxes nos principais hábitats de cada illa, encamiñados a detectar as diferentes especies de réptiles presentes, estimar o tamaño das súas poboacións e avaliar o estado de conservación destas, así como o dos hábitats que ocupan. Na presente memoria indícanse os resultados obtidos.

A presente memoria inclúe os resultados obtidos do proxecto: SEGUIMENTO DOS AMBIENTES SEDIMENTARIOS DA LAGOA DOS NENOS E DO COMPLEXO DUNAR DE MUXIEIRO NO PNMTIAG, encargado polo Parque Nacional marítimo–terrestre das Illas Atlánticas de Galicia e financiado pola Xunta de Galicia e o Fondo Europeo de Desenvolvemento Rexional (“unha maneira de facer Europa”). Consta de dous apartados principais: 1-ESTADO AMBIENTAL ACTUAL E SEGUIMENTO DA LAGOA DOS NENOS 2-CARACTERIZACIÓN DAS CONDICIÓNS ACTUAIS DO COMPLEXO DUNAR