Axuda

A base de datos SagresCiTe contén tres bloques de información que se poden consultar de xeito individual:

Traballos. Nesta base de datos atópase o contido principal de SagresCiTe. Nela pódese consulta-la información referente a traballos científico-técnicos que se teñen elaborado no ámbito territorial do Parque Nacional Marítimo-Terrestre das Illas Atlánticas de Galicia (PNMTIAG). Entre estes cóntanse tanto as publicacións científicas publicadas, como libros, capítulos de libro ou informes inéditos que relatan e expoñen traballos científicos e técnicos levados a cabo no PNMTIAG. Estes traballos adoitan se-lo resultado de proxectos científicos, traballos técnicos de seguimento e diagnóstico levados a cabo por profesionais, traballos de divulgación dos valores do PNMTIAG e traballos realizados por aficionados e voluntarios.
Proxectos. Base de datos de apoio de SagresCiTe, na que se presentan os proxectos oficialmente constituídos como tales para o desenvolvemento de traballos científicos, técnicos ou de divulgación no PNMTIAG. O obxectivo desta base de datos é facilita-lo deseño de proxectos científico-técnicos no PNMTIAG, evitando redundancias e fomentando unha maior complementariedade dos mesmos.
Equipos. Base de datos de apoio de SagresCiTe, na que se presentan os equipos que están a traballar dun xeito máis ou menos establecido no PNMTIAG. O obxectivo desta base de datos é facilita-lo contacto e colaboración entre equipos e, en especial, entre aqueles grupos e equipos que estean interesados en desenvolver proxectos no PNMTIAG e aqueles que estean a traballar na actualidade.

Consulta de Traballos Científico-Técnicos

Dende a páxina de inicio de SagresCiTe, pódese acceder de dúas maneiras á consulta de traballos científico-técnicos:

1.- Pinchando en Traballos, no menú superior dereito da páxina

2.- Baixando na páxina (ben a través do scroll do rato ou pinchando na dobre frecha na parte inferior da pantalla, e pinchando no botón TRABALLOS.

Na páxina de busca de traballos aparecen unha serie de casas que nos permiten poñer filtros para determina-la busca a facer. Se non poñemos ningún filtro, veremo-la lista completa dos traballos baixo a área de busca, que poderemos ver ó facermos scroll na páxina.

Os distintos filtros ou condicións de busca que se poden usar son os seguintes:

Filtro de texto. Busca dunha palabra ou conxunto de palabras introducidas polo usuario no títulos, nas etiquetas (ou tags) ou nos resumos.
Filtro de autores. Busca dos traballos dun autor.
Filtro de anos. Busca dos traballos publicados ou realizados nun intervalo concreto de anos.
Filtro de Illas. Busca de traballos realizados en Illas concretas
Filtro de medios. Busca traballos realizados no medio terrestre ou mariño.
Filtro de tipos de traballos. Permite limita-la busca a un tipo de traballo concreto. Os tipos de traballos considerados son:
Censos, inventarios ou seguimentos.
- Revisións
- Investigacións Orixinais
- Outros
Filtro de tipos de documentos. Permite limita-la busca a un tipo de documento concreto. Os tipos de documentos considerados son:
- Actas de congreso
- Artigos científicos
- Capítulos de libro
- Libros
- Informes técnicos inéditos
- Teses
Filtro taxonómico. Permite filtrar por un ou máis taxones.
Filtro de hábitats. Permite filtrar polo hábitat en que se levou a cabo o traballo, ou sobre o que trata o traballo.

Se utilizamos máis dun filtro á vez, a busca ofrecerano-las referencias que cumpran tódolos criterios á vez. Así, se seleccionámo-la illa de Ons no filtro de illas e libro no filtro do tipo de documento, o resultado mostrará tódolos libros que traten de Ons, ben sexa parcial ou totalmente.

Unha vez finalizada a configuración dos filtros debemos pinchar no botón Buscar, situado baixo dos filtros, para lanza-la consulta. Os resultados aparecerán listados, inmediatamente baixo deste botón de Buscar. Para ver cada un dos rexistros podemos pinchar no título ou na etiqueta Ler máis ->

Consulta de Proxectos

A posibilidade de consulta-los proxectos que estean activos ou teñan sido realizados no Parque Nacional Marítimo-Terrestre das Illas Atlánticas de Galicia é un recurso accesorio, pensado para facilita-la complementariedade da investigación e do traballo técnico de seguimento no mesmo. Complementa así a posta a disposición de referencias levadas a cabo neste ámbito xeográfico nesta base de datos SagresCiTe.

Póren, sendo como é un recurso accesorio a súa base de datos é moito máis sinxela e como tal, o sistema de busca tamén.

A ficha de cada proxecto limítase a un título, un subtítulo e un texto de descrición do proxecto, onde se conta brevemente o seu obxectivo, métodos, ámbito xeográfico, equipo que o leva a cabo e nalgúns casos, mesmo resultado.

A interfaz de busca, presenta unha única casa de texto e baixo dela o resultado da busca. Tras escribir un texto na devandita casa, teremos que pinchar no botón de Buscar, para ve-los proxectos que conteñen o texto inserido.

Consulta de Equipos

A posibilidade de consulta-los equipos que estean activos de forma habitual no Parque Nacional Marítimo-Terrestre das Illas Atlánticas de Galicia é un recurso accesorio, pensado para facilita-la complementariedade da investigación e do traballo técnico de seguimento no mesmo, así como a colaboración e intercambio de información entre distintos equipos de traballo e investigación. Complementa así a posta a disposición de referencias levadas a cabo neste ámbito xeográfico nesta base de datos SagresCiTe.

Porén, sendo como é un recurso accesorio a súa base de datos é moito máis sinxela e como tal, o sistema de busca tamén.

A ficha de cada equipo limítase a un título, o nome dun investigador principal e un texto de descrición do equipo, onde se conta brevemente a súa liña de traballo, a súa filiación e os seus compoñentes.

Descargar Manual de Usuario