O presente informe céntrase na cartografía e estado poboacional das especies de flora vascular ameazada Linaria arenaria DC., Rumex rupestris Le Gall. e Erodium maritimum (L.) L’Her, todas elas catalogadas en traballos como o Libro Rojo de la Flora Vascular Española (Bañares et al., 2003) ou no borrador do Catálogo Galego de Especies Ameazadas (DOGA, 2007). Tamén se comezaron a abordar outros aspectos da bioloxía da conservación destas especies. As especies tratadas foron obxecto dunha mostraxe intensiva no territorio do Parque Nacional das Illas Atlánticas. Presentamos como resultados a cartografía dos núcleos que compoñen as poboacións nos diversos arquipélagos do Parque Nacional. O informe está estructurado en capítulos, un por cada unha das especies tratadas. De cada unha delas aportamos, ademais dunha cartografía detallada, datos dos tamaños poboacionais, hábitat de cada núcleo, problemática ambiental e sinalamos unhas medidas básicas de xestión para o mantemento ou incremento dos efectivos poboacionais de cada núcleo. Para Linaria arenaria sumarizamos os datos dispoñíbeis desde 2002, presentando e analizando a evolución das súas poboacións no territorio do Parque Nacional.