A paisaxe submarina. Moitas persoas aprecian a paisaxe e valores naturais dos ecosistemas terrestres, pero moi poucas se interesan tamén polos seus equivalentes nos fondos mariños, a pesar de ser accesibles e sumamente atractivos. O snorkel preséntase como a mellor alternativa para superar tan importante barreira. Unha iniciativa nova emprendida no Parque Nacional das Illas Atlánticas podería axudar a planificar e xestionar correctamente esta actividade e crear novas expectativas aos seus visitantes.